کراچی (صباح نیوز)سمندری طوفانِ کے باعث کراچی ائر پورٹ پر پروازوں کو لینڈنگ میں دشواری پیش آئی ہے۔ سول ایوی ایشن کے مطابق دوحہ سے کراچی پہنچی غیر ملکی پرواز لینڈ نہ کر سکی ، فلائٹ کیو آر610 کراچی لینڈنگ کیلئے ایک گھنٹے چکر کاٹ کر واپس چلی گئی۔ عدیس ابابا سے کراچی پہنچنے والی پرواز ایک گھنٹے چکر کاٹنے کے بعد لینڈ کر سکی۔ کراچی سے اسلام آباد کی پی آئی اے کی پرواز کی روانگی میں ساڑھے8 گھنٹے کی تاخیر ہوئی۔ استنبول اور بحرین سے پہنچنے والی پروازوں کی کراچی سے روانگی میں بھی تاخیر ہوئی۔
