لندن /کراچی (سید عاصم علی قادری) ایشین ہاکی فیڈریشن نے ایشین ہاکی چیمپئنز ٹرافی کا شیڈول جاری کردیا۔ ایشین ہاکی چیمپئنز ٹرافی میں شرکت کرنے والی ٹیموں میں پاکستان، بھارت، کوریا، ملائیشیا، جاپان اور چائنہ شامل ہیں،پاکستان ہاکی ٹیم ایونٹ میں اپنا پہلا میچ 8 ستمبر کو ملائیشیا کے خلاف کھیلے گی۔ ایشین ہاکی فیڈریشن کی جانب سے جاری کئے گئے شیڈول کے مطابق قومی ٹیم ایونٹ کے دوسرے میچ میں کوریا کے خلاف 9 ستمبر کو مدمقابل ہوگی،گرین شرٹس کو 11 ستمبر کو جاپان کا چیلنج درپیش ہوگا جبکہ 12 ستمبر کو چائنہ کے خلاف کھیلے گی۔ شیڈول کیایونٹ میں پاکستان اور روائتی حریف بھارت 14 ستمبر کو ٹکرائیں گے،ایشین ہاکی چیمپئنز ٹرافی کے سیمی فائنل مقابلے 16 ستمبر جبکہ فائنل میچ 17 ستمبر کو کھیلا جائے گا۔واضح رہے کہ ایشین ہاکی چیمپئنز ٹرافی 8 سے 17 ستمبر تک چائنہ میں کھیلے جائے گی۔
