کراچی ( اسٹاف رپورٹر )شہر قائد کے مختلف علاقوں میں وقفے وقفے سے ہلکی اور تیزہواؤں کے ساتھ بارش کا سلسلہ جاری ہے ۔محکمہ موسمیات کا کہنا ہے کہ حالیہ سسٹم کے تحت طاقتورمون سون ہواؤں کا سلسلہ جنوب مشرقی سندھ سے داخل ہوگا، سسٹم کے آتے ہی بارش میںمزید شدت آجائے گی ۔شہر کے مختلف علاقوں میں سب سے زیادہ بارش سرجانی ٹاؤن میں 47.5 ملی میٹر ریکارڈ کی گئی جبکہ گلشن ِ حدید 42 ملی میٹر، ناظم آباد 32 ملی میٹر جبکہ دیگر علاقوں میں بحریہ ٹاؤن 22 ملی میٹر، کورنگی 23 ملی میٹر، فیڈرل بی ایریا23 ملی میٹر،عزیز آباد 21.3 ملی میٹر، کیماڑی 19 ملی میٹر ، نارتھ ناظم آباد 19 ملی میٹر ، گلشن اقبال 15 ملی میٹر، ڈی ایچ اے 14.4 ملی میٹر، علاقہ صدر 13 ملی میٹر ، گلشن معمار 12.5 ملی میٹر، کلفٹن (باتھ آئی لینڈ) 15 ملی میٹر ، پی اے ایف فیصل بیس 12 ملی میٹر، صدر (برنس روڈ) 10 ملی میٹر، گڈاپ ٹاؤن (چنیسر گوٹھ) 10 ملی میٹر ، کلفٹن (سی ویو بیچ) 10 ملی میٹر، بلدیہ ٹاؤن 10 ملی میٹر، سعدی ٹاؤن 9.6 ملی میٹر، گلستانِ جوہر 8.5 ملی میٹر، ملیر 8 ملی میٹر ، گلشنِ جمال 8 ملی میٹر ، ماڑی پور 8 ملی میٹر، ماڈل کالونی 8 ملی میٹر، ملی میٹر بارش ریکا رڈ کی گئی ۔
