لاڑکانہ (نمائندہ جسارت) وارث ڈنو ماچھی پولیس نے منگت شاخ والے علاقے سے مطلوب ملزم مولابخش لغاری کو پسٹل اور گولیوں سمیت، کنگا پولیس نے سچے بخش بائی پاس سے مطلوب ملزم علی ڈنو جاگرانی کو، باقرانی پولیس نے پیر شہید سے قتل مقدمے میں ملوث ملزم علی حسن ابڑو کو، باڈہ پولیس نے وھنی سے منشیات فروش عمران سومرو کو ایک کلو 100 گرام چرس سمیت، سیہڑ پولیس نے رادھن روڈ سے ملزم فرید نوناری کو 600 گرام چرس سمیت، نوڈیرو پولیس نے منشیات فروش ملزم سلیم میرانی کو ایک کلو 100 گرام چرس سمیت، سچل پولیس نے فوڈ گودام کے قریب سے ملزم سینگار عرف اسماعیل کھوکھر کو بغیر لائسنس رپیٹر اور کارتوس سمیت گرفتار کرلیا۔ دوسری جانب نوڈیرو پولیس نے شہری کامران جویو اور معروف احمد کی موٹر سائیکلیں، شہید ڈی ایس پی عبدالمالک بھٹو پولیس نے 7 جون کو پیپلز کالونی سے ظہیر سانگی کی چوری ہونے والی موٹر سائیکل، مارکیٹ پولیس 29 مئی پر شہری فرحان سرگانی کی چوری ہونے والی موٹر سائیکل، ائر پورٹ پولیس نے شہری آکاش اور شہری منٹھار کی چوری شدہ موٹر سائیکلیں، گڑھی خدا بخش بھٹو پولیس نے وائٹل گرامر اسکول سے چوری ہونے والا سامان لیپ ٹاپ، سولر پینل اور دیگر الیکٹرکل اشیاء برآمد کرالیں، پولیس کے مطابق گرفتار ملزمان کے خلاف مقدمات درج کرکے تفتیش شروع کر دی گئی ہے۔
