کراچی: شہر قائد کے مختلف علاقوں میں رات سے ہی ہلکی اور تیز بارش کا سلسلہ جاری ہے۔
رپورٹ کے مطابق محکمہ موسمیات کا کہنا ہے کہ شہر میں مطلع ابر آلود ہے جبکہ بارش کا سلسلہ دن بھر جاری رہے گا۔
موسمیاتی تجزیہ کار کے مطابق بحیرہ عرب سے آنے والے بادلوں کے باعث گزشتہ رات اور صبح رم جھم برسی، مزید بادل شہر کی جانب گامزن ہیں۔ شہر میں 20 کلو میٹر کی رفتار سے ہوائیں چل رہی ہیں۔
بیان میں مزید کہا گیا کہ شہر کا درجہ حرارت صبح کے وقت 28 ڈگری سینٹی گریڈ ریکارڈ کیا گیا ہے جبکہ شہر میں زیادہ سے زیادہ درجہ حرارت 33 ڈگری سینٹی گریڈ رہ سکتا ہے۔
