پشاور: پولیس مقابلے کے دوران ایک ملزم ہلاک ہو گیا، جبکہ دوسرے ساتھی کو زخمی حالت میں گرفتار کرلیا۔
میڈیا رپورٹ کے مطابق گرفتار ملزمان دونوں آپس میں بھائی ہیں جوکہ ڈکیت، اسنیچرز، پولیس پارٹی پر حملوں سمیت دیگر سنگین وارداتوں کے متعدد مقدمات میں مطلوب تھے۔
ملزمان نے گزشتہ روز 14 اگست کو بجوڑی گیٹ پر اسنیچنگ کے دوران ٹریفک اہلکار خیر اللہ کو فائرنگ کرکے شدید زخمی کردیا تھا ایس ایچ او تھانہ شاہ قبول فضل جان کو ملزمان کی موجودگی بابت اطلاع ملی۔
جس پر دیگر نفری پولیس کے ہمراہ فوری کارروائی کرتے ہوئے ملزمان کو گرفتار کرنے کی کوشش کی گئی جس پر ملزمان نے پولیس ٹیم کو دیکھتے ہی با ارادہ قتل فائرنگ شروع کردی، جبکہ پولیس ٹیم نے بھی حق خواختیاری فائرنگ کی کراس فائرنگ کے نتیجے میں ایک ملزم ہدایت اللہ ہلاک ہو گیا اور دوسرے ساتھی حنیف اللہ کو زخمی حالت میں گرفتار کرلیا۔
