پشاور: خیبرپختونخوا کی صوبائی اسمبلی میں ریاستی اداروں کو آئینی حدود میں رہ کر کردار ادا کرنے کے لیے قرارداد متفقہ طور پر منظور کر لی گئی۔
پاکستان پیپلز پارٹی کے رکن احمد کنڈی نے خیبرپختونخوا اسمبلی میں آئینی اداروں کو آئینی حدود میں رہ کر اپنا کردار ادا کرنے کی قرار داد پیش کی، جس سے ایوان میں متفقہ طور پر منظور کرلیا گیا۔قرارداد میں کہا گیا کہ آئینی ادارے کی جانب سے لوگوں کی جان و مال، جمہوری، آزادی اظہار رائے کو دبانے سے گریز کیا جائے اور آئین کی متعلقہ شقوں پر اس کی روح کی مطابق عمل کریں۔
کے پی کے اسمبلی میں منظور ہونے والی قرارداد میں کہا گیا کہ برصغیر کے مسلمانوں نے پاکستان حاصل کرنے کے لیے جانوں کے نذرا نے پیش کیے، برصغیر کے مسلمانوں خصوصاً پشتونوں نے بے پناہ تکالیف برداشت کیں۔
پیش کردہ قرارداد میں کہا گیا کہ 12 اگست 1948 کو سانحہ بابڑہ کا دل خراش واقعہ قابل مذمت ہے، قیام پاکستان سے آج تک لوگ آزادی اظہار رائے سے محروم ہیں
