کراچی (اسپورٹس رپورٹر) السا عمران نے جشن آزادی9ویں سندھ رینکنگ اسکواش چیمپئن شپ جیت لی ،بوائز انڈر15کا ٹائٹل جاوید ،انڈر11کا محمد سلیم اور گرلز انڈر13کا ٹائٹل سوہیما فاطمہ کے نام رہا ۔سندھ اسکواش ایسوسی ایشن کے زیر اہتمام پی ایس ایف جہانکیر خان اسکواش کمپلیکس پی ایس بی کراچی سینٹر پر کھیلی گئی جشن آزادی9ویں سندھ رینکنگ جونیئر اینڈ ویمنز اوپن اسکواش چیمپئن شپ کی اختتامی تقریب کے مہمان خصوصی سندھ اسکواش ایسوسی ایشن کے سیکریٹری محمد عامر تھے جنہوں نے چاروں کیٹیگریز کے فاتح کھلاڑیوں میں انعامات تقسیم کئے ۔
