کراچی (اسٹاف رپورٹر) متحدہ قومی موومنٹ پاکستان کے سینئر مرکزی رہنمارْکن قومی اسمبلی و چیئرمین قومی اسمبلی قائمہ کمیٹی برائے نجکاری ڈاکٹر فاروق ستار نے 11 اگست ’’یوم اقلیت‘‘ کے موقع پر اپنے ایک پیغام میں پاکستان میں بسنے والی تمام اقلیتوں کو مبارکباد دیتے ہوئے کہا کہ قائد اعظم محمد علی جناح نے اقلیتوں کیلیے معروف تقریر جو انہوں نے پہلی دستور ساز اسمبلی کے اولین اجلاس میں کی تھی، کی مناسبت سے یہ طے کیا گیا کہ آئندہ 11 اگست کا دن پاکستان میں ’’یومِ اقلیت‘‘ کی حیثیت سے منایا جائیگا۔
