اسلام آباد(صباح نیوز) نیشنل ڈیزاسٹر مینجمنٹ اتھارٹی(این ڈی ایم اے) نے خبردار کیا ہے کہ گلگت بلتستان اور خیبر پختونخوا میں گلیشیر پھٹنے کا امکان موجود ہے، این ڈی ایم اے نے اگلے 2 روز تک ملک کے مختلف اضلاع میں موسلادھار بارشوں اور گلیشئیر پھٹنے کے باعث سیلاب کی وارننگ جاری کردی ہے ۔ اسلام آباد، پنجاب اور بلوچستان کے کئی شہروں میں موسلادھار بارش کا امکان ہے۔این ڈی ایم اے کے مطابق موجودہ موسمی صورتحال کے پیش نظر گلگت بلتستان اور خیبر پختونخوا کے چند علاقوں میں سیلابی صورتحال، گلیشیر پھٹنے، لینڈ سلائڈنگ کی صورتحال پیدا ہوسکتی ہے، جبکہ 12 اگست تک دیر، سوات، کوہستان، استور، گلگت، اسکردو، غانچی اور شگار میں موسمی صورتحال خراب ہوسکتی ہے۔غذر کی کرم بار جھیل اور بدسوات جھیل، بگروٹ ویلی کی ہنارچی جھیل، اپر چترال کی چناتر اور ریشون جھیلوں میں گلیشیر پھٹنے سے سیلابی صورتحال پیدا ہونے کے امکانات زیادہ ہیں۔ این ڈی ایم اے کی ایڈوائزری کے مطابق آزاد کشمیر کے علاقوں نیلم ویلی، مظفرآباد، راولکوٹ، پونچھ، ہٹیاں، باغ، حویلی، سدھانکوٹی، کوٹلی، بھمبر اور میر پور میں گرج چمک کے ساتھ درمیانی سے موسلادھار بارشوں کا امکان ہے۔جبکہ پنجاب میں مری، راولپنڈی، چکوال، تلہ گنگ، جہلم، منڈی بہاالدین، گجرات، گجرانوالہ، حافظ آباد، وزیر آباد، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، لاہور، شیخوپورہ، سیالکوٹ، نارووال، اوکاڑہ، پاک پتن، قصور، خوشاب اور سرگودھا میں گرج چمک کے ساتھ بارش کا امکان ہے، شہر اقتدار میں بھی گرج چمک کے ساتھ بارش متوقع ہے۔بہاولپور، بہاولنگر، خانپور، ڈی جی خان، ملتان، بھکر، میانوالی، خانیوال، لودھراں، مظفرگڑھ،کوٹ ادو، راجن پور، رحیم یار خان اور لیہ میں بھی11 اگست تک بارشوں کا امکان ہے۔جبکہ بلوچستان کے علاقوں خضدار، لسبیلہ، قلات، ژوب، بارکھان، موسی خیل، سبی، شیرانی، کوہلو، بولان، نصیرآباد، جعفرآباد اور مکران میں بھی بارشوں کی نوید سنائی گئی ہے۔سندھ کے مٹھی، سانگھڑ، نوشہرہ فیروز، جامشورو، عمر کوٹ، تھرپارکر، میرپور خاص، خیرپور، ٹھٹھہ، بدین، پڈعیدن، سجاول، کراچی اور حیدر آباد میں بھی بادلوں کے برسنے کا امکان ہے۔ ٹھنڈی ہواؤں کے ساتھ پری مون سون بارش کا سلسلہ وقفے وقفے سے جاری
