بھارت کے شہر کوچین کے ایئر پورٹ پر اس وقت بدحواسی پھیل گئی جب ایک مسافر نے سامان کی چیکنگ کے وقت کہا کہ اُس کے بیگ میں بم ہے۔
42 سالہ منوج کمار نے جب یہ کہا کہ اس کے بیگ میں بم ہے تو وہاں موجود اسٹاف گھبراگیا اور فوراً سیکیورٹی اہلکاروں کو طلب کیا۔
منوج کمار کو گرفتار کرلیا گیا۔ تفتیش کے دوران اُن نے کہا کہ بم والی بات اُس کے منہ سے یونہی نکل گئی تھی۔ حکام کا کہنا ہے کہ منوج کمار کو گرفتار کرنے کے بعد تمام مسافروں کو طیارے میں سوار کرانے سے قبل طیارے کی بھرپور چیکنگ کی گئی۔ سیکیورٹی کلیئرنس کے بعد ہی مسافروں کو طیارے میں جانے دیا گیا۔
