اسلام آباد: محکمہ موسمیات نے بحریہ عرب سے داخل ہونے والی مون سون ہواؤں کے باعث آج سے بدھ تک ملک بھر میں بارشوں کی پیش گوئی کی ہے۔
محکمہ موسمیات کے مطابق اسلام آباد، پنجاب، کشمیر اور بالائی خیبرپختونخوا میں بارشیں متوقع ہے۔
اس حوالے سے مون سون ہواؤں کے باعث آزاد کشمیر کے کچھ مقامات میں موسلا دھار بارش ہوئی جس کے نتیجے میں برساتی نالوں میں طغیانی آگئی۔
اس کے علاوہ گجرات میں بھی تیز ہواؤں کے ساتھ بارش ہوئی جس کے باعث نشیبی علاقے زیر آب ہوگئے، سڑکوں اور گلیوں میں پانی جمع ہوگیا۔
محکمہ موسمیات کے مطابق سانگھڑ، میرپورخاص، عمر کوٹ، بدین اوردیگر ساحلی علاقوں میں مطلع جزوی ابرآلود رہنے کے علاوہ چند مقامات پرگرج چمک کے ساتھ بارش کا امکان ہے۔
علاوہ ازیں محکمہ موسمیات نے کراچی میں بھی کل سے بارشوں کا امکان ظاہر کیا ہے۔
