تحریک انصاف کا اسلام آباد میں احتجاج پیر تک ملتوی

اسلام آباد(مانیٹرنگ ڈیسک) تحریک انصاف نے جمعے کو اسلام آباد میں احتجاج ملتوی کرنے کا اعلان کردیا۔پی ٹی آئی اسلام آباد کے صدر عامر مغل نے کہا ہے کہ جمعے کو احتجاج کی کال دے رکھی تھی‘ اجازت کے لیے قانونی راستہ اپنایاا ور ڈی سی کو 23 جولائی کو درخواست دی‘ ڈی سی کی طرف سے اجازت نہ ملنے پر ہم نے اسلام آباد ہائی کورٹ سے رجوع کیا مگر ابھی تک
عدالت نے احتجاج کے حوالے سے تحریری اجازت نہیں دی۔عامر مغل نے کہا کہ معزز عدالت نے دوران سماعت پیر 29 جولائی کو اجازت دینے کا عندیہ ظاہر کیا تھا اور فیصلہ محفوظ کر لیا تھا مگر محفوظ فیصلہ بھی تاحال نہیں سنایا گیا، معزز عدالت اور قانون کا بے حد احترام کرتے ہیں، پارٹی کی مرکزی قیادت کو اعتماد میں لے کر جمعےکے احتجاج کو عدالتی حکم کے احترام میں پیر تک موخر کردیا۔