لندن(اسپورٹس ڈیسک)برطانیہ کے ٹینس اسٹار اینڈی مرے نے پیرس اولمپکس2024 کے بعد ریٹائرمنٹ کا اعلان کردیا۔اینڈی مرے نے کہا کہ پیرس اولمپکس کے بعد میرا ٹینس کا سفر اختتام پذیر ہوجائے گا، گریٹ برٹن کی نمائندگی میرے لئے اعزاز کی بات ہے اور آخری مرتبہ ایونٹ میں شرکت میرے لئے یادگار لمحات ہیں۔ اینڈی مرے بیجنگ میں 2008 میں پہلی مرتبہ ایکشن میں دکھائی دیئے جہاں انہیں پہلے ہی رائونڈ میں اسٹریٹ سیٹس کی شکست کا سامنا کرنا پڑا۔ 37سالہ ٹینس کھلاڑی ایونٹ میں سنگلز اور ڈبلز مقابلوں میں حصہ لینے کی منصوبہ بندی کر رہے ہیں۔ اینڈی مرے واحد برٹش ٹینس کھلاڑی ہیں جنہوں نے 2 اولمپکس سنگلز ٹائٹل اپنے نام کئے ۔3 مرتبہ گرینڈ سلام ٹائٹل فاتح نے جنوری 2019 میں اپنے کیریئر کو بچانے کیلئے سرجری کروائی ۔ مرتبہ کے ومبلڈن چیمپئن اینڈی مرے آخری مرتبہ ایس ڈبلیو 19 میں اپنے بھائی جیمی کے ساتھ جلوہ گر ہوئے تاہم پہلے ہی رائونڈ میں ڈبلز سے باہر ہو گئے۔
