لاہور: پنجاب کے شہر لاہور میں دن کے اوقات میں بوندا باندی اور رات میں تیز بارش کا امکان ہے۔
محکمہ موسمیات کے مطابق صوبائی دارالحکومت میں آسمان پر بارش برسانے والے بادل چھائے رہیں گے اور دن کے اوقات میں کچھ بوندا باندی بھی متوقع ہے اور رات کے اوقات میں تیز بارش کا امکان ہے۔
ماہرین کا کہنا ہے کہ شہر کا کم سے کم درجہ حرارت 30 اور زیادہ سے زیادہ 36 ڈگری سینٹی گریڈ رہے گا۔
محکمہ موسمیات کا مزید کہنا ہے کہ ہوا وقفے وقفے سے چلتی رہے گی جبکہ ہوا میں نمی کا تناسب 81 فیصد تک رہے گا۔
