لاڑکانہ (نمائندہ جسارت) سی آئی ٹیم کی تھانہ مارکیٹ کی حدود سرھیہ پدھر والے علاقے میں کارروائی کی گٹکا سپلائر رنگے ہاتھوں گرفتار ملزم کی شناخت تنویر سرھیو کے نام سے ہوئی ہے۔ ملزم سے 5 کلو 80 گرام گٹکا برآمد، ملزم کے خلاف پولیس مدعیت میں مقدمہ درج کرکے مزید قانونی و ضابطے کی کارروائی کی جا رہی ہے۔ دوسری جانب جرائم پیشہ افراد کو قانون کی گرفت میں لانے کے لیے لاڑکانہ پولیس کی جانب سے مختلف علاقوں میں سرچ و کومبنگ آپریشن کے ساتھ سخت اسنیپ چیکنگ کا عمل جاری۔ ایس ایس پی لاڑکانہ میر روحل خان کھوسو کی ہدایت و احکامات پر پولیس کی جانب سے لاڑکانہ بھر میں جنرل ہولڈ اپ، ضلع بھر کے داخلی و خارجی راستوں پر تلاش ایپ ڈیوائز کے ذریعے موقع پر شناخت کا عمل جاری۔ ایس ایس پی لاڑکانہ کی ہدایت پر ضلع بھر کے DSPs کی زیر نگرانی I.T اسٹاف کے ہمراہ تلاش ایپ اور CRI سسٹم کے ذریعے داخلی و خارجی راستوں پر سخت اسنیپ چیکینگ کرتے ہوئے سیکڑوں افراد کو چیک کیا گیا جن میں بغیر شناختی دستاویزات چند مشکوک افراد کو مختلف تھانو میں منتقل کیا گیا۔ اس موقع پر مختلف اقسام کی چھوٹی بڑی گاڑیوں کو چیک کیا گیا، چیکنگ کا سلسلہ تاحال جاری ہے۔ دوران چیکنگ تھانے منتقل کیے گئے مشکوک افراد اور موٹر سائیکلوں کے کوائف چیک کیے جا رہے ہیں۔
