لاہور: اے سی سی ویمنز ٹی 20 ایشیا کپ میں پاک بھارت ٹاکرا آج ہوگا۔
نجی ٹی وی کی رپورٹ کے مطابق قومی ویمنز کرکٹ ٹیم ایونٹ میں روایتی حریف بھارت کے مقابلے پر میدان میں اترنے کے لیے پُراعتماد ہے۔ 8 ٹیموں پر مشتمل ٹورنامنٹ سری لنکن شہر دمبولا کے رانگیری دمبولا اسٹیڈیم میں ہوگا۔
ایونٹ کے گروپ اے میں پاکستان، بھارت، نیپال اور یو اے ای کی ٹیمیں شامل ہیں جب کہ گروپ بی میں بنگلا دیش، ملائیشیا ، تھائی لینڈ اور میزبان سری لنکا ہے۔ ہر گروپ سے 2 ٹاپ ٹیمیں سیمی فائنل تک رسائی حاصل کریں گی، بعد ازاں ایونٹ کا فائنل 28 جولائی کو ہوگا۔
پاکستان ویمنز ٹیم ٹورنامنٹ کا آغاز ایونٹ کے افتتاحی دن روایتی حریف بھارت کے ساتھ کرے گی۔ اس کے بعد 21 جولائی کو نیپال اور 23 جولائی کو یو اے ای کے خلاف گروپ کے بقیہ 2 میچ ہوں گے۔
