جوہر آباد (اے پی پی)نورپور تھل کے گائوں پیلو وینس کے قریب چشمہ جہلم لنک کینال میں کشتی ڈوبنے سے 10 بچے ڈوب گئے۔ پولیس ذرائع کے مطابق 4 بچوں کو زندہ ریسکیو کرلیا گیا جبکہ 6 کی تلاش جاری ہے۔ ڈوبنے والے بچوں کی عمریں 14 سے 16 سال ہیں جن میں 2 بھائی بھی شامل ہیں۔ تمام بچوں کا تعلق نواحی گائوں پیلو وینس سے ہے۔ ترجمان پی ڈی ایم اے کے مطابق ریسکیو ٹیموں نے فوری موقع پر پہنچتے ہوئے بچوں کی تلاش شروع کردی ہے، ڈی جی پی ڈی ایم اے عرفان علی کاٹھیا نے ڈی سی خوشاب سے ٹیلیفونک رابطہ کرکے ضلعی انتظامیہ کو آپریشن تیز کرنے کی ہدایات جاری کی ہیں۔ عرفان علی کاٹھیا نے کہا کہ بچوں کو لائف جیکٹس کے بغیر کشتی پر بٹھانے والوں کے خلاف سخت قانونی کارروائی عمل میں لائی جائے۔
