اسلام آباد:مسلم لیگ ن کے صدر و سابق وزیر اعظم نواز شریف کا کہنا ہے کہ متوسط طبقے کو بجلی کے بلوں اور مہنگائی پر قابو پاکر ریلیف دیا جائے۔
وزیر خارجہ اسحاق ڈار سے ملاقات کے دوران گفتگوکرتے ہوئے نواز شریف نے کہا کہ عوام کو سہولیات فراہم کرنے کے لیے ہرممکن اقدامات کیے جائیں، عوام مہنگائی کی وجہ سے پریشان ہے۔
اسحاق ڈار نے اپنے حالیہ غیر ملکی دوروں میں ہونے والی پیش رفت پر بریفنگ دی، قائد ن لیگ نے دوست ممالک کے ساتھ تعلقات میں حالیہ پیشرفت پر اطمینان کا اظہار کیا۔
