کراچی (اسپورٹس رپورٹر)زون 6 نے اپنے آخری گروپ میچ میں زون5 کو 10 وکٹوں سے شکست دے کر پی سی بی ریجنل انٹر ڈسٹرکٹ انڈر 19اچی ریجن کا چیمپئن بننے کا اعزاز حاصل کرلیا جبکہ زون7 ٹورنامنٹ کی رنرزاپ رہی ۔کے سی سی اے اسٹیڈیم پر کھیلے گئے اپنے آخری گروپ میچ میں زون 5 نے پہلے بیٹنگ کرتے ہوئے 23.5 اوورز میں صرف 49 رنز بناکر آئوٹ ہوگئی۔ حسن اقبال نے 17 رنز بنائے۔ عبدل معیز نے 5 اور عبداللہ حنان نے 17 رنز دیکر 4,4 کھلاڑیوں کو آئوٹ کیا ۔ جواب میں ناقابل شکست زون6 نے 7.1 اوورز میں ایک وکٹ کے نقصان پر مطلوبہ 50 رنز بنالئے۔ ہارون ارشد نے 8 چوکوں کی مدد سے ناقابل شکست 39 رنز بنائے۔ گزشتہ سال کی چیمپئن زون7 ٹورنامنٹ کی رنرزاپ رہی۔لانڈھی جمخانہ گرائونڈ پر کھیلے گئے دوسرے میچ میں زون 2 نے زون ایک کو 113 رنز سے ہرا دیا۔
