منامہ:بحرین میں تعینات پاکستان انٹرنیشنل ائیرلائن ( پی آئی اے) کے کنٹری منیجر کو گرفتار کرلیا گیا۔
میڈیا رپورٹس کے مطابق ترجمان پی آئی اے کا کہنا ہے کہ بحرین میں پاکستانی سفارت خانے نے معاملے کو غلط فہمی پر مبنی قرار دیا ہے، مذکورہ واقعہ ضابطے کی خلاف ورزی تو ہو سکتا ہے مگر اس میں کوئی مجرمانہ فعل نہیں ہے۔
ترجمان نے کہاکہ مذکورہ افسر کی قانونی مدد کے لئے پاکستانی سفارتخانے کی خدمات حاصل کیں ہیں، پی آئی اے انتظامیہ پاکستانی سفارتخانے سے مسلسل رابطے میں ہے اور ان کو تمام تکنیکی معاونت فراہم کر رہی ہے،عدالت میں پیشی کے موقع پر اعلیٰ افسران کو کیس میں دفاع کے لئے مامور کیا ہے۔
انہوں نے مزید کہاکہ بحرین ایئر پورٹ پرپیچھے رہ جانے والا سامان پی آئی اے کے مرکزی دفتر منتقل کیا جاتا تھا،مرکزی دفتر سے مسافروں سے رابطہ کر کے سامان ان تک پہنچا دیا جاتا تھا۔
بحرینی سیکورٹی حکام کی جانب سے ائیر پورٹ سے سامان کی منتقلی کو خیانت قرار دے کر کاروائی کا آغاز کیا گیا۔
