سڈنی (اسپورٹس ڈیسک) کرکٹ آسٹریلیا کے چیف ایگزیکٹیو نک ہاکلے نے ایک مرتبہ پھر بھارت، پاکستان اور کینگروز کے درمیان سہ فریقی سیریز کے انعقاد کی خواہش کا اظہار کردیا۔ آن لائن پریس کانفرنس میں نک ہاکلے نے گفتگو کرتے ہوئے کہا کہ پاکستان اور بھارت روایتی حریف ٹیمیں ہیں، انکے میچز کی میزبانی کرنا چاہتے ہیں۔ ہماری کوشش ہے کہ دونوں یا سہ فریقی سیریز یا باہمی سیریز کیلئے ہمارے گرائونڈ استعمال کریں۔ انہوں نے کہا کہ پاک بھارت بورڈ اور حکومتوں کو ہم آہنگی کی ضرورت ہے البتہ حالات نارمل نہ ہونے تک میزبانی کرنا چاہتے ہیں تاکہ شائقین ہالی وولٹیج مقابلے سے لطف اندوز ہوسکیں۔
