کولمبو : سری لنکا میں ایک عجیب و غریب واقعہ رونما ہوا جس میں سمندر میں تیرتی ہوئی بوتل میں موجود مواد کو ماہی گیروں کو شراب سمجھ کر پی لیا جو ان کی موت کا سبب بن گیا ۔
برطانوی خبر رساں ادارے کے مطابق سری لنکا کے جنوبی ساحلی جزیرے پر شکار کے لیے جانے والے 6 ماہی گیر سمندر میں تیرتی ہوئی ایک بوتل کو شراب سمجھ کر پینے سے 4 ماہی گیر ہلاک ہوگئے۔
سری لنکن نیوی کے بیان کے مطابق ماہی گیروں نے بوتل میں موجود مواد کو شراب سمجھ کر پیا جس سے ان کی حالت بگڑ گئی۔ نیوی نے فوری طور پر ماہی گیروں کو کشتی میں ابتدائی طبی امداد فراہم کی۔
میڈیا رپورٹس کے مطابق اس حادثے میں 4 ماہی گیر جان کی بازی ہار گئے جبکہ 2 کی حالت تشویشناک ہے اور انہیں طبی امداد فراہم کی جا رہی ہے۔
