کراچی (کامرس رپورٹر) پاکستان اسٹاک ایکسچینج میں جمعرات کو بھی کاروبار حصص میں تیزی کا رجحان برقرار رہا اور ایک موقع پر بینچ مارک کے ایس ای-100 انڈیکس میں 700 پوائنٹس کا اضافہ دیکھا گیا۔تاہم کاروبار کے اختتام پر کے ایس ای-100 انڈیکس 252 پوائنٹس یا 0.32 فیصد اضافے کے بعد 78 ہزار 528 پربند ہوا۔ تفصیلات کے مطابق جمعرات کوپاکستان اسٹاک ایکس چینج میں کاروباری سرگرمیاں مثبت زون میں رہیں اورٹیلی کام،پاور،آئل او رگیس،بینکنگ سیکٹر میں سرمایہ کاروں کی جانب سے خریداری کے سبب انڈیکس78978پوائنٹس تک پہنچا لیکن کمیونیکیشن،آٹو اوردیگر سیکٹر میں منافع کے حصول کیلئے شیئرز کی فروخت سے تیزی کی شدت میں کمی آئی۔کاروبار میں تیزی کے باوجود کاروباری حجم گزشتہ روز بدھ کی نسبت39.64فیصد کم رہا جبکہ کاروباری تیزی سے مارکیٹ کے سرمائے میں 36ارب 32کروڑ روپے سے زائد کا اضافہ ہوا۔شیئرز مارکیٹ میں جمعرات کو کاروبار کے اختتام پر کے ایس ای100انڈیکس میں 252.61 پوائنٹس کا اضافہ ریکارڈ کیا گیا جس سے انڈیکس بڑھتا ہوا 78528.25پوائنٹس پر پہنچ گیا اسی طرح51.42پوائنٹس کے اضافے سے کے ایس ای30انڈیکس25432.78پوائنٹس پر جا پہنچا جبکہ کے ایس ای آل شیئرز انڈیکس173.01 پوائنٹس سے بڑھ کر 49487.23پوائنٹس ہو گیالیکن کے ایم آئی30انڈیکس24.32پوائنٹس کی کمی سے 126307.23پوائنٹس پر بند ہوا۔مارکیٹ کے سرمائے میں 36ارب 32کروڑ12لاکھ 63ہزار515روپے بڑھ کر103کھرب 33ارب76کروڑ20 لاکھ 22ہزار975روپے ہو گیا۔ مارکیٹ میں جمعرات کو11ارب روپے مالیت کے28 کروڑ35لاکھ42ہزار503 حصص کے سودے ہوئے جبکہ گزشتہ روز بدھ کو 19ارب روپے مالیت کے 46کروڑ97لاکھ56ہزار شیئرز کا کاروبار ہوا تھا۔پاکستان اسٹاک ایکس چینج میں مجموعی طور پر 426کمپنیوں کا کاروبار ہوا جس میں سے211کمپنیوں کے حصص کی قیمتوں میں اضافہ، 150میں کمی اور65کمپنیوں کے حصص کی قیمتوں میں استحکام رہا۔کاروبار کے لحاظ سے ورلڈ کال ٹیلی کام2کروڑ75لاکھ،کے الیکٹرک لمیٹڈ 2 کروڑ19لاکھ،آئل اینڈ گیس ڈیولپمنٹ 1کروڑ 69 لاکھ،پرویز احمد کمپنی1کروڑ52لاکھ اورجے ایس بینک 1کروڑ33لاکھ حصص کے سودوں سے سرفہرست رہے۔
