اوکاڑہ (صباح نیوز) نواحی قصبہ بصیر پور حویلی لکھا روڈ پر تیز رفتار رکشہ اور موٹر سائیکل کے درمیان تصادم کے نتیجے میں 40 سالہ محمد اصغر ولد نور محمد موقع پر جاں بحق جبکہ خلیل احمد ولد محمد اصغر اور پروین بی بی زوجہ محمد اصغر شدید زخمی ہو گئے۔ دوسری واردات میں نواحی قصبہ ٹاور ہیڈ سلیمانکی کے قریب تیز رفتار رکشہ بے قابو ہو کر کھائی میں گر گیا جس کے نتیجے میں 17سالہ فرحان ولد یاسین، 35 سالہ فدا حسین ولد غلام رسول اور 30 سالہ رشمت بی بی دختر یاسین زخمی ہو گئے۔ ریسکیو 1122 ٹیم نے لاش اور زخمیوں کو اسپتال منتقل کر دیا۔
