سانگھڑ (نمائندہ جسارت) بینظیر بھٹو کی 71 ویں سالگرہ کی مرکزی تقریب کا بیرانی ہاؤس میں انعقاد کیا گیا۔ تقریب میں سانگھڑ ، شہداد پور، ٹنڈو آدم، جام نواز علی اور سنجھورو سے جیالوں ورکروں اور پارٹی کے عہدیداران نے بھر پور شرکت کی۔ اس موقع پر پیپلز پارٹی کے رہنماء اورنگزیب مری، اکبر مری، راجیش ہرداسانی، معشوق علی چانڈیو،امام بخش بلوچ، شکیل مری، جمعہ خان خروٹی اور دیگر نے کہا کہ محترمہ کی زندگی ہمارے لیے مشعل راہ ہے، بینظیر بھٹو جمہوریت کے لیے اپنی جان کا نظرانہ پیش کرکے ہمیشہ کے لیے امر ہوگئیں۔ انہوں نے کہا محترمہ کی کاوش سے شازیہ مری نے الیکشن میں بھاری اکثریت سے کامیابی حاصل کی۔ کارکنان کا کہنا تھا کہ محترمہ ہمارے دلوں میں زندہ ہیں، کارکنان کو جموریت کے لیے گلی کوچوں پہنچ کر آمریت کا مقابلہ کرنا سکھایا، سکھر جیل سے لے کر اڈیالہ جیل تک محترمہ کی زندگی ہمارے لیے مشعل راہ ہے۔ انہوں نے کہا کہ آج بھی محترمہ ہمیں کہیں نہ کہیں دیکھ رہی ہیں، سن رہی ہیں، مرتے دم تک محترمہ کے مشن کو جاری رکھا جائے گا۔ اس موقع پر چئیرمین بلدیہ راشد اسلام مغل، امیر علی چانڈیو اعجاز زرداری، رخسانہ شر، بسم اللہ شر، کونسلر انور یوسفزئی، حاجی ادریس زئی و دیگر کارکنان موجود تھے۔
