کراچی: شہر قائد کے مختلف علاقوں میں کہیں ہلکی ہلکی بارش تو کہیں بونداباندی شروع ہوگئی ہے۔ بارش شروع ہوتے ہی بجلی کی فراہمی بھی معطل ہوگئی۔
تفصیلات کے مطابق کراچی کے مختلف علاقوں نارتھ کراچی، نیو کراچی، نارتھ ناظم آباد، لیاقت آباد، سی ون ایریا،گارڈن، لیاری میں ہلکی بارش ہورہی ہے۔
محکمہ موسمیات کے مطابق شہر کے شمال مشرقی حصے میں گہرے بادل موجود ہیں جو بارش کا سبب بنے ہیں۔ جبکہ صدر ، اولڈ سٹی ایریا کے اطراف اور شارع فیصل ، ایئرپورٹ ، ملیر، گلشن اقبال، گلستان جوہر میں بارش ہورہی ہے۔ بارش کے شروع ہوتے ہیں کراچی کے مختلف علاقوں میں بجلی کی فراہمی بھی بند کردی گئی ہے۔
ادھر محکمہ موسمیات نے کراچی اور اس کے مضافاتی علاقوں میں کل اور پرسوں بھی بارش کی پیش گوئی کی ہے۔
