کراچی (اسٹاف رپورٹر)پیپلز پارٹی کراچی ڈویژن کے تحت جمعہ 21 جون کو لیاری کے علاقے چاکیواڑہ میں شہید بینظیر بھٹو کی 71 ویں سالگرہ کی تقریب کا انعقاد کیا جائے گا۔ تقریب سے پیپلز پارٹی کے چیئرمین بلاول بھٹو زرداری خصوصی خطاب کریں گے۔ ان خیالات کا اظہار پیپلز پارٹی کراچی ڈویژن کے صدر و صوبائی وزیر سعید غنی نے جمعرات کے روز پیپلز سیکرٹریٹ کراچی میں منعقدہ ڈویژن کے اجلاس کی صدارت کرتے ہوئے کیا۔ اجلاس میں پیپلز پارٹی سندھ کے جنرل سیکرٹری سید وقار مہدی، کراچی ڈویژن کے جنرل سیکرٹری جاوید ناگوری، ڈپٹی مئیر سلمان مراد، راشد خاصخیلی، شاہینہ شیر علی، تمام اضلاع کے صدور و جنرل سیکرٹریز، ضلعی تنظیموں کے عہدیداران نے شرکت کی۔
