مالی میں سونے کی کان دھنس گئی، 70 سے زیادہ افراد ہلاک

مغربی افریقی ملک مالی میں سونے کی کان دھنسنے سے 70 سے زیادہ افراد ہلاک ہوگئے۔

 خبر ایجنسی کے مطابق مالی کے جنوب مغرب میں واقع سونے کی ایک کان گزشتہ روز دھنس گئی تھی۔ سانحہ ایک ایسے علاقے میں پیش آیا جہاں پر کانوں میں اس طرح کے حادثات ہوتے رہتے ہیں۔

مقامی حکام نے غیر ملکی خبر ایجنسی سے گفتگوکرتے ہوئے اموات کی تصدیق کی ہے۔انکا کہنا ہے کہ جب حادثہ پیش آیا اس وقت کان میں 200 سے زیادہ کانکن موجود تھے۔