اسلام آباد :پاکستان ٹیلی کمیونیکیشن اتھارٹی(پی ٹی اے) نے انٹرنیشنل کنسلٹنٹ کی خدمات حاصل کرنے کے لیے اظہار دلچسپی مانگ لیا۔
رپورٹ کے مطابق انٹرنیشنل کنسلٹنٹ پاکستان میں فائیو جی لانچنگ کیلئے رپورٹ تیار کرے گا اور پی ٹی اے نے کنسلٹنٹ کی خدمات کے لیے ٹی او آرز جاری کردیئے ہیں۔
انٹرنیشنل کنسلٹنٹ انڈسٹری اور ٹیلی کام آپریٹرز کے ساتھ مشاورت کرے گا اورکنسلٹنٹ عالمی معیار کے مطابق اسپیکٹرم کی ریلیز کے حوالے میکنزم تیار کرے گا۔
کنسلٹنٹ فی میگا ہرٹس اسپیکٹرم کی قیمت کا روپے اور ڈالر میں تعین کرے گا اس کے علاوہ کنسلٹنٹ اسپیکٹرم کی نیلامی کیلئے آسان ادائیگی پلان بھی ترتیب دے گا۔
