قائدِ حزب اختلاف عمر ایوب نے کہا ہے کہ بانی پی ٹی آئی عمران خان کو موت کی کوٹھری میں رکھا گیا ہے۔
قومی اسمبلی کے اجلاس کے دوران ایوان میں اظہار خیال کرتے ہوئے قائدِ حزب اختلاف اور رہنما پاکستان تحریک انصاف عمر ایوب کا کہنا تھا کہ بانی پی ٹی آئی عمران خان کے سیل کی تصاویر سے ثابت ہوا ہے کہ وہ قید تنہائی کا شکار ہیں، موت کی کوٹھری والا ماحول بنایا گیا ہے۔
انہوں نے کہا کہ بشریٰ بی بی کو جیل میں کوئی سہولتیں نہیں ہیں، سرگودھا میں میرے اور ہمارے ورکرز کے خلاف دہشتگردی کے مقدمات درج ہیں،کیا پی ٹی آئی سے تعلق جرم ہے، یہ کون سا قانون ہے ۔
