بیجنگ: چین چاند کے پراسرار حصے سے مٹی زمین پر لانے والا پہلا ملک بن گیا، چینی مشن چینگ ای 6 چاند کے پراسرار خطے سے نمونے اکٹھے کرکے زمین پر لے آیا۔
میڈیا رپورٹس کے مطابق چائنا نیشنل اسپیس ایڈمنسٹریشن (سی این ایس اے) کے ترجمان نے کہا ہے کہ چین کے خلائی پروگرام کی بہت بڑی پیشرفت ہے، چاند کے اس خطے کے نمونوں کے تجزیے سے سائنسدانوں کو چاند کی ارتقائی تاریخ اور اس کے تشکیل پانے کے عمل کو زیادہ گہرائی سے سمجھنے اور نتائج اخذ کرنے میں مدد ملے گی۔
رپورٹ کے مطابق ان نمونوں سے نظام شمسی کی تشکیل کو سمجھنے میں اور مستقبل کے مشنز کی بنیاد بھی رکھی جائے گی ۔
