ریاض: سعودی عرب کے دارالحکومت ریاض کے اسپورٹس ارینا میں پاکستانی نژاد برطانوی باکسر حمزہ شیراز نے امریکی باکسر آسٹن ایمو ولیمز کو گیارہویں راؤنڈ میں ناک آؤٹ کردیا۔
تفصیلات کے مطابق اسپورٹس ارینا میں پاکستانی نژاد برطانوی باکسر حمزہ شیراز نے امریکی باکسر آسٹن ایمو ولیمز کو گیارہویں رائونڈ میں ناک آئوٹ کردیا۔حمزہ شیراز امریکی حریف کو ہرا کر 20فتوحات کے ساتھ تاحال ناقابلِ شکست ہیں۔
ورلڈ باکسنگ کونسل کے تحت مڈل ویٹ کیٹیگری کے تحت ہونے والے کانٹے دار مقابلے میں پاکستانی نژاد برطانوی باکسر نے غیر معمولی مزاحمت کا مظاہرہ کیا اور حریف کو مکمل طور پر حاوی نہیں ہونے دیا، آسٹن ایمو ولیمز کو بھی فیورٹ قرار دیا جارہا تھا مگر حمزہ شیراز نے اسے کسی بھی مرحلے پر تابر توڑ حملے کرنے کا موقع نہیں دیا۔
امریکی باکسر کے ناک آئوٹ ہوتے ہی ریاض اسپورٹس ارینا اللہ اکبر اور پاکستان زندہ باد کے نعروں سے گونج اٹھا۔
