چیئرمین پی ٹی آئی بیرسٹر گوہر خان نے کہا ہے کہ بانی پاکستان تحریک انصاف عمران خان نے سپریم کورٹ میں اپنا مقدمہ خود لڑنے کا کہا ہے۔
اڈیالہ جیل راولپنڈی کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر خان کا کہنا تھا کہ بانی پی ٹی آئی عمران خان سے جیل مین ملاقات ہوئی، عمران خان نے کہا کہ میں 30 تاریخ کو سپریم کورٹ میں پیش ہونا چاہتا ہوں ، سپریم کورٹ میں اپنا مقدمہ خود لڑوں گا اور اپنے کیس پر خود دلائل دوں گا۔
بیرسٹر گوہر نے کہا کہ پی ٹی آئی کے سیکریٹری اطلاعات رؤف حسن پر حملہ تحریک انصاف کے لیڈرز پر حملہ ہے، رؤف حسن پر حملے کی شفاف تحقیقات ہونی چاہیے،ہمارا مطالبہ ہے رؤف حسن پر حملے کی شفاف انکوائری ہو۔
انہوں نے کہا کہ اگر رؤف حسن پر حملے جیسا واقعہ دوبارہ ہوا تو پھر پارٹی پر امن لیکن زبردست احتجاج کرے گی۔
