اسلام آباد: صدر مملکت آصف علی زرداری نے کشمیر کاز کے لیے پاکستان کے غیر متزلزل عزم کا اعادہ کرتے ہوئے کہاہے کہ جموں و کشمیرکو ملک کی خارجہ پالیسی میں اولین ترجیح حاصل ہے۔
پاکستان کشمیریوں کی سیاسی ،سفارتی اور اخلافی حمائت جاری رکھے گا،صدر زرداری نے کل جماعتی حریت کانفرنس کی آزاد جموں وکشمیر شاخ کے کنوینر محمود احمد ساغر کی جانب سے لکھے گئے تہنیتی خط کے جواب میں میں اس بات کی یقین دہائی کرائی ہے کہ پاکستان جموں وکشمیر کے عوام کی منصفانہ جدوجہد کی سیاسی ،سفارتی اور اخلاقی حمایت جاری رکھے گا۔
انہوں نے کشمیر کاز کو اجاگر کرنے کے لئے کل جماعتی حریت کانفرنس کی کوششوں کو سراہتے ہوئے ان کی کامیابی کے لیے نیک تمنائوں کا اظہار کیا۔
خط میں کشمیری عوام کی قربانیوں کا اعتراف کیا گیا اور حق خودارادیت کے حصول کے لیے کام جاری رکھنے کے صدر زرداری کے عزم کا اعادہ کیا گیا۔
واضح رہے کہ کل جماعتی حریت کانفرنس کی آزاد جموں وکشمیر شاخ کے کنوینر محمود احمد ساغر نے پاکستان کے صدر آصف علی زرداری کو صدرمملکت کا عہدہ سنبھالنے پر مبارکباد کے لئے تہنیتی خط ارسا ل کیا تھا ۔۔
