لاہور: ایرانی صدر ابراہیم رئیسی کے دورے کے تناظر میں لاہور میں انٹرمیڈیٹ کے پیپرز ملتوی کردیے گئے ہیں۔
نجی ٹی وی کی رپورٹ کے مطابق لاہور بورڈ کی جانب سے کل 23 اپریل کو ہونے والے انٹرمیڈیٹ کے پیپرز کو ملتوی کردیا گیا ہے۔ اس حوالے سے باقاعدہ نوٹی فکیشن بھی جاری کردیا گیا ہے، جس میں کہا گیا ہے کہ 23 اپریل کو ہونے والے انٹرمیڈیٹ کے پیپرز اب 24 اپریل کو لیے جائیں گے۔
علاوہ ازیں لاہور بورڈ نے کل منگل کے روز میٹرک کا فزکس کا پریکٹیکل بھی ملتوی کرتے ہوئے اسے 15 مئی کو لیے جانے کے لیے نوٹی فکیشن جاری کردیا ہے۔
واضح رہے کہ ایرانی صدر کے دورے کے موقع پر ضلع لاہور میں کل مقامی تعطیل کا اعلان کیا گیا ہے دوسری جانب کراچی میں بھی کل منگل کے روز اعلیٰ سطح کے ایرانی وفود کی آمد کی وجہ سے عام تعطیل ہوگی۔
