وزیر اعلیٰ پنجاب مریم نواز شریف سے وفاقی وزیر خزانہ محمد اورنگزیب نے ملاقات کی ہے۔
وفاقی وزیر خزانہ محمد اورنگزیب نے وزیر اعلیٰ مریم نواز کو منصب سنبھالنے پر مبارکباد دی۔
وزیر اعلیٰ پنجاب مریم نواز نے بھی محمد اورنگزیب سے وزارت خزانہ کا قلمدان سنبھالنے پر نیک خواہشات کا اظہار کیا۔
ملاقات میں ملکی معاشی صورتحال اور باہمی دلچسپی کے امور زیر بحث آئے۔ صوبائی وزیرخزانہ مجتبیٰ شجاع الرحمن، سینئر صوبائی وزیر مریم اورنگزیب، سابق سینیٹر پرویز رشیدبھی اس موقع پر موجود تھے۔
اس دوران مریم نواز نے کہا کہ پاکستان کو مل جل کر معاشی مشکلات سے نکالیں گے، معاشی بہتری کے لیے وزیر خزانہ سے عوام دوست فیصلوں کی توقع ہے۔
محمداورنگزیب نے کہا کہ مریم نواز کے سماجی فلاح کے اقدامات نہایت احسن ہیں۔ مریم نواز کا پہلی خاتون وزیر اعلیٰ پنجاب منتخب ہونا سنگ میل ہے۔
