لاہور: وزیراعلیٰ پنجاب نے ایک منٹ میں ایک لاکھ پودے لگانے کا نیا منصوبہ تیار کرلیا۔
خبر رساں ایجنسی کے مطابق وزیراعلیٰ پنجاب مریم نواز چھانگا مانگا کے جنگل کا کل جمعرات کے روز دورہ کریں گی۔ اس حوالے سے بتایا گیا ہے کہ چھانگا مانگا کے جنگل میں ایک منٹ کے مختصر وقت میں ایک لاکھ پودے لگانے کا منفرد ریکارڈ قائم کرنے کے لیے تیاریوں کو حتمی شکل دے دی گئی ہے۔
شجرکاری مہم کے سلسلے میں ایک لاکھ پودے وزیراعلیٰ پنجاب مریم نواز کی سربراہی میں لگائے جائیں گے۔ اس موقع پر منعقدہ تقریب میں تعلیمی اداروں کے طلبہ و طالبات بڑی تعداد میں موجود ہوں گے۔
طلبہ کے علاوہ پودے لگانے کے موقع پر مریم نواز کے ساتھ سینئر صوبائی وزیر مریم اورنگزیب، صوبائی وزرا اور خواتین کی بڑی تعداد موجود ہوگی۔
