لاہور: پنجاب کے دارالحکومت شہر لاہور میں مکان کی چھت گرنے سے ملبے تلے دب کر 3 بچے جاں بحق ہو گئے۔
خبر رساں ایجنسی کے مطابق لٹن روڈ نامی علاقے میں ایک مکان کی چھت اچانک گر گئی، جس میں ملبے تلے دب کر ایک بچہ اور 2 بچیاں جاں بحق ہو گئے۔
افسوس ناک واقعے کی اطلاع ملتے ہی پولیس اور ریسکیو ادارے جائے وقوع پر پہنچی اور ملبے سے لاشوں کو نکال کر اسپتال منتقل کیا۔
ملبے تلے دب کر جاں بحق ہونے والے معصوم بچوں میں 11 سالہ کائنات، 9 سالہ بسمہ اور ایک کم سن محمد حسنین شامل ہیں۔
ڈپٹی کمشنر لاہور رافعہ حیدر نے چھت گرنے کے واقعے کا نوٹس لیتے ہوئے واقعے کی تفصیلات طلب کرلیں اور حکام کو جائے وقوع پر فوری جانے اور ریسکیو کارروائی کی نگرانی کے احکامات جاری کیے۔
ابتدائی اطلاعات میں بتایا گیا ہے کہ اسکول سے آنے والے بچوں کو گھر میں چھوڑ کر ان کی والدہ کھانا لینے گئی، تاہم کمزور چھت اچانک گر جانے سے تینوں بچے ملبےتلے دب کر جاں بحق ہو گئے۔
