اسلام آباد: شہباز شریف کو وزارت اعظمیٰ کا منصب سنبھالنے پر بھارتی وزیراعظم نے مبارکباد دی ہے۔
سماجی رابطے کی ویب سائٹ ایکس پر بھارتی وزیراعظم نریندر مودی نے پاکستان کے نو منتخب وزیراعظم شہباز شریف کو منصب سنبھالنے پر مبارکباد دی ہے۔
اس سے قبل ترک صدر طیب اردوان، سعودی ولی عہد شہزادہ محمد بن سلمان ، ایران اور چین کے صدر نے بھی شہباز شریف کو وزیراعظم منتخب ہونے پر مبارکباد دی۔
واضح رہے کہ شہباز شریف نے گزشتہ روز پاکستان کے 24 ویں وزیراعظم کی حیثیت سے حلف اٹھایا اور وہ دوسری مرتبہ اس منصب پر فائز ہوئے ہیں۔
