اسلام آباد: پی ٹی آئی نے آج ملک گیر احتجاج کی کال دے دی،اسلام آباد پولیس نے وفاقی دارالحکومت میں سیکیورٹی بڑھا دی اور ہفتہ کے روز اجتماعات پر پابندی لگا دی ۔
عمران خان کی پارٹی نے مبینہ انتخابی دھاندلی کے خلاف ہفتہ کو ملک بھر میں احتجاج کی کال دی ہے۔ اسلام آباد پولیس نے ہفتے کی صبح اعلان کیا کہ شہر میں سیکیورٹی کو ’ہائی الرٹ‘ پر رکھا گیا ہے اور دفعہ 144 نافذ کر دی گئی ہے۔
ضابطہ فوجداری (CrPC) کی دفعہ 144 ضلعی انتظامیہ کو عوامی مفاد میں ایسے احکامات جاری کرنے کا اختیار دیتی ہے جو ایک مخصوص مدت کے لیے کسی سرگرمی پر پابندی لگا سکتے ہیں۔
پولیس نے شہر میں گشت بھی بڑھا دیا ہے اور چوکیوں پر اضافی نفری تعینات کر دی ہے۔ پولیس نے کہا کہ F-9 پارک کے قریب ٹریفک کی بھیڑ کا امکان ہے اور لوگوں کو اس مقام کے آس پاس کے علاقے سے گریز کرنے کا مشورہ دیا۔
اسلام آباد پولیس کے ترجمان نے لوگوں کو شناختی دستاویزات اپنے ساتھ رکھنے اور چوکیوں پر پولیس اہلکاروں کے ساتھ تعاون کرنے کا مشورہ دیا۔
