راولپنڈی: پی ایس ایل کے 2 میچ بارش سے متاثر ہونے کا خدشہ ہے۔
نجی ٹی وی کی رپورٹ کے مطابق پاکستان سپر لیگ کے نویں ایڈیشن میں کل ہفتے کے روز راولپنڈی کرکٹ اسٹیڈیم میں شیڈول 2 میچوں کے بارش سے متاثر ہونے کا خدشہ ہے۔
واضح رہے کہ ہفتہ 2 مارچ کو راولپنڈی کرکٹ اسٹیڈیم میں دوپہر میں لاہور قلندرز اور پشاور زلمی کے مابین میچ شیڈول ہے جب کہ دوسرا میچ اسی اسٹیڈیم میں شام میں کوئٹہ گلیڈی ایٹرز اور اسلام آباد یونائیٹڈ کے درمیان شیڈول ہے
محکمہ موسمیات کی جانب سے جڑواں شہروں راولپنڈی اسلام آباد میں کل ہفتے کو بھی دن بھر بارش کی پیش گوئی کی گئی ہے اور ڈبل ہیڈر کےلیے ایک ہی ٹکٹ جاری کیا گیا ہے۔ کل اگر دونوں میچز نہ ہوئے تو فینز کو مکمل ٹکٹ ری فنڈ ہوگا اور اگر ایک بھی میچ ہوگیا تو ری فنڈ نہیں ملے گا۔
واضح رہے کہ بارش کے باعث آج جمعہ کے روز ٹیموں کو پریکٹس کا موقع بھی نہیں ملا۔
