اسلام آباد: صدارتی الیکشن کے سلسلے میں سابق صدر اور شریک چیئرمین پیپلز پارٹی آصف زرداری کے کاغذات کو حتمی شکل دے دی گئی۔
نجی ٹی وی کے مطابق سابق صدرآصف زرداری کے صدارتی الیکشن کے لیے کاغذات نامزدگی کل صبح 10 بجے جمع کرائےجائیں گے۔
ذرائع کے مطابق بلاول بھٹو زرداری آصف زرداری کے تجویز کنندہ ہوں گے جبکہ پی پی کے سینیئر رہنما فاروق ایچ نائیک آصف زرداری کے کاغذات نامزدگی جمع کرائیں گے۔
واضح رہے کہ الیکشن کمیشن آف پاکستان کی جانب سے صدارتی انتخابات کا شیڈول جاری کیا گیا ہے جس کے مطابق نئے صدر کیلیے ووٹنگ 9 مارچ کو ہوگی۔
