اسلام آباد: چیف آف آرمی اسٹاف سید عاصم منیر نے جنرل ہیڈ کوارٹر راولپنڈی میں اسسٹنٹ سپرٹنڈنٹ آف پولیس شہر بانو سے ملاقات کی۔
تفصیلات کے مطابق آرمی چیف عاصم منیر نے اے ایس پی شہر بانو کی ڈیوٹی میں پیشہ ورانہ مہارت کی تعریف کی۔انہوں نے اپنی قابلیت و استقامت سے اندرون و بیرونِ ملک خود کو ممتاز کیا ہے
عاصم منیر نے کہا ہے کہ خواتین ہمارے معاشرے کا منفرد حصہ ہیں، ہمارے مذہب اسلام نے ہمیں خواتین کا احترام کرنے کا درس دیا ہے اور انہوں نے معاشرے کی تعمیر میں نمایاں کردار ادا کیا ہے۔
انہوں نے کہا ہے کہ مختلف قسم کے حالات سے نمٹنے کے آپشنز موجود ہیں لیکن یہ اس بات پر منحصر ہے کہ ہم قانون کو ہاتھ میں نہ لے کر اس سے کیسے نمٹتے ہیں۔
