لاہور: کرکٹ شائقین کے انتظار کی گھڑیاں ختم ہو گئیں۔ پاکستان سپر لیگ کا میلہ آج اپنے رنگ بکھیرے گا۔
پی ایس ایل کے 9 ویں ایڈیشن کا پہلا میچ دفاعی چیمپئن لاہور قلندرز اور اسلام آباد یونائیٹڈ کے مابین لاہور کے قذافی اسٹیڈیم میں آج ہفتے کے روز کھیلا جائے گا۔
میچ سے پہلے میگا ایونٹ کی افتتاحی تقریب منعقد کی جائے گی، جس کے بعد ٹورنامنٹ کا باقاعدہ آغاز ہوگا۔ تقریب میں ملک کے معروف فنکار شائقین کا جوش جگائیں گے۔ اس موقع پر آتش بازی اور لیزرشو کا مظاہرہ بھی کیا جائے گا۔
واضح رہے کہ پی ایس ایل کی افتتاحی تقریب آج ہفتے کی شام ساڑھے چھ بجے شروع ہوگی جب کہ شائقین کے لیےدوپہر ساڑھے تین بجے اسٹیڈیم کے دروازے کھول دیے جائیں گے۔
دریں اثنا دنیا بھر سے مختلف ممالک کے کھلاڑیوں نے اپنی اپنی ٹیموں کو جوائن کرلیا ہے۔
پی ایس ایل 9 میں 6 ٹیموں کے درمیان 2 مراحل پر مشتمل 34 میچز کھیلے جائیں گے جب کہ ایونٹ کا فائنل 18 مارچ کو کراچی میں کھیلا جائے گا۔
