اسلام آباد: پاکستان تحریک انصاف کے رہنما چوہدری پرویزالٰہی نے کہا ہے کہ شہباز شریف ظالم آدمی ہے اپنے بھائی کو بھی معاف نہیں کیا۔
اسلام آباد میں انسداد دہشت گردی کی عدالت میں پیشی کے بعد میڈیا سے گفتگو کرتے ہوئے رہنما پی ٹی آئی چوہدری پرویز الٰہی نے کہا کہ یہ آئے تھے لاڈلا بننے۔شہباز شریف بڑا ظالم آدمی ہے اس نے بھائی کو بھی معاف نہیں کیا۔
پرویز الٰہی نے کہا کہ جب تک ہماری سیٹیں پوری نہیں کی جاتیں کسی سے بات نہیں ہو گی۔
انہوں نے کہا ہے کہ بات چیت میں کوئی ہرج نہیں لیکن پہلے چھینی گئی سیٹیں واپس کی جائیں۔ یہ سارے گھبرائے ہوئے لوگ ہیں۔ ان کو اب بانی پی ٹی آئی کی صلاحیت کا پتہ چلا ہے، پہلا الیکشن ہے جس میں کسی کا ایک پیسہ نہیں لگا۔
