لورالائی اور ملحقہ علاقوں میں زلزلے کے جھٹکے

کوئٹہ: لورالائی اور اس کے ملحقہ علاقوں میں ریکٹر اسکیل پر 4.2 شدت کے زلزلے کے جھٹکے محسوس کیے گئے ۔

نیشنل سیسمک مانیٹرنگ سینٹر (NSMC) نے تصدیق کی ہے کہ لورالائی اور ملحقہ علاقوں میں زلزلے کے جھٹکے محسوس کیے گئے۔

تاہم لورالائی کے کسی بھی حصے سے ابھی تک کسی جانی اور مالی نقصان کی اطلاع نہیں ملی۔ لوگ خوف کے مارے کلمہ طیبہ کا ورد کرتے ہوئے گھروں سے باہر نکل آئے۔

این ایس ایم سی اسلام آباد کے مطابق زلزلے کا مرکز لورالائی سے 11 کلومیٹر جنوب مغرب میں تھا۔

اس سے قبل بلوچستان کے ضلع ژوب اور اس کے ملحقہ علاقوں میں ریکٹر اسکیل پر 3.6 کی شدت سے زلزلے کے جھٹکے محسوس کیے گئے۔