بالی: بھارتی کرکٹ بورڈ (بی سی سی آئی) کے سیکرٹری جے شاہ ایک بار پھر ایشین کرکٹ کونسل کے صدر منتخب ہوگئے۔
تفصیلات کے مطابق انڈونیشیا کے شہر بالی میں ایشین کرکٹ کونسل کا اجلاس ہوا جس میں پاکستان کی نمائندگی قائم مقام چیئرمین پی سی بی شاہ خاور اورسی او او سلمان نصیر نے کی۔
میڈیا رپورٹس کے مطابق بھارتی کرکٹ بورڈ کے سیکرٹری جے شاہ کو اے سی سی کیلئے بطور صدر منتخب کیا گیا، جے شاہ کو مسلسل تیسرے سال اے سی سی کاصدر منتخب کیا گیا ہے۔
