مقبوضہ بیت المقدس:غزہ میں یرغمال اسرائیلیوں کے لواحقین نے اسرائیلی پارلیمنٹ پر اس وقت دھاوا بول دیا، جب وہاں اجلاس جاری تھا۔
Families of Israeli hostages held by Hamas raided the Finance Committee meeting of the Israeli parliament.
“You can’t sit here while our children die.” pic.twitter.com/464hBdlH8j
— Nigar Ogeday🇹🇷🇦🇿🇹🇲🇰🇬🇰🇿🇺🇿🇵🇰🇭🇺 (@ogeday_nigar) January 22, 2024
بین الاقوامی خبر رساں اداروں کے مطابق غزہ میں حماس کے ہاتھوں یرغمال بنائے گئے اسرائیلیوں کے لواحقین نے پیر کے روز اسرائیلی پارلیمنٹ میں خزانہ کمیٹی کے اجلاس پر دھاوا بول دیا۔ اس موقع پر انہوں نے اپنے اقارب کی رہائی میں ناکامی پر احتجاج کرتے ہوئے اقدامات کرنے کا مطالبہ کیا۔
مظاہرین سیکورٹی حصار توڑ کر پارلیمنٹ کی عمارت میں موجود کمیٹی میٹنگ روم میں داخل ہوئے۔ اس موقع پر انہوں نے یرغمال اسرائیلیوں کی تصاویر اٹھا رکھی تھیں۔ لواحقین نے صہیونی وزیراعظم بنیامین نیتن یاہو کے حماس کے ساتھ معاہدے سے مسلسل انکار کی ہٹ دھرمی ظاہر کرنے پر شدید غم و غصے کا اظہار کیا اور وہاں چیخ و پکار کرتے ہوئے کہا کہ تم سب ابھی اسی وقت اپنی کرسیوں سے اٹھ جاؤ۔تم یہاں نہیں بیٹھو گے جب تک ہمارے بچے وہاں مر رہے ہیں۔
