لیاقت پور: پیپلز پارٹی کے چیئرمین بلاول زرداری کا کہنا ہے کہ بڑی مشکل سے کل شیر نظر آیا، ڈر ہے کہی پھر نہ چھپ جائے۔
جلسے سے خطاب کرتے ہوئے بلاول نے کہا کہ دیگر جماعتوں کے پاس کوئی منشور نہیں، ن لیگ کو صرف چوتھی بار وزیراعظم کی کرسی کی فکر ہے، مہنگائی سے عوام بہت پریشان ہیں، ہمارے 10 نکات میں عوام کے مسائل کا حل ہے۔
انہوں نے کہاکہ شیرعوام کا خون چوستا ہے اور اس کا پیٹ نہیں بھرتا، چوتھی بار وزیراعظم بن کر پھرعوام کا خون چوسے گا، دوسری بار وزیراعظم بنا تو وہ جو لائے ان سے لڑا، میں کسی اور طرف نہیں عوام کی جانب دیکھ رہا ہوں۔
